الرئيسية الفيديو شاهد بالفيديو .. على عكس الخطوبة.. حفل «فسوخة» دنيا سمير غانم

شاهد بالفيديو .. على عكس الخطوبة.. حفل «فسوخة» دنيا سمير غانم




في موقف معكوس لأي فتاة تحلم بالخطوبة، أدت الفنانة دنيا سمير غانم، دور فتاة تحتفل بفسخ خطوبتها من خطيبها السابق ويدعى أحمد، في احتفالية أسمتها بالـ«فسوخة»، على غرار الخطوبة، في البرنامج الكوميدي «SNL بالعربي»، المذاع على فضائية «سي بي سي».

وفي حوار مع صديقاتها قالت «غانم»: «أنا كويسة أهو في إيه، النهارده فسوختي، مش لما الناس بتتخطب بتعمل خطوبة، لما بنفسخ نعمل فسوخة، النهارده فسوختي على أحمد»، مطالبة إحدى صديقاتها بمشاركتها في تمزيق خطابات خطيبها السابق.

وبعدما وجهت لها إحدى صديقاتها سؤالًا قائلة: «ينفع نسمع عن فسوختك من بره، هي فسوختك دي كانت عن كره ولا صالونات؟»، أجابت «غانم»: «طبعًا عن كره، الموضوع كان طبيعي جدًا، أنا شتمته، لطشني بالقلم، مامي عرفت، فسخنا».

أما عن سؤال صديقاتها عن رأيها في خطيبها السابق، أضافت: «بصوا هو واطي، وبخيل، وأناني أوي، فيه كل الصفات اللي كل البنات تتمناها في فسيخها».

وفي سؤال جديد لصديقة أخرى لها قالت فيه: «وهتعملوا الفسوخة دي فين، يعني هو انتي هتتفسخي كل يوم؟»، ردت: «دي فسوخة خطوبة مش مستاهلة، عارفة لو طلاق أقولك نعملها في أوتيل، لكن عارفة احنا هنقلع دبل على الضيق كده في البيت وخلاص».





اترك تعليقاً

لن يتم نشر عنوان بريدك الإلكتروني.

This site uses Akismet to reduce spam. Learn how your comment data is processed.