Home منوعات بالصور :لن تتوقف عن الضحك .. سودانيون غاضبون من زين .. ” يكسرون الثلج ” لشركة MTN

بالصور :لن تتوقف عن الضحك .. سودانيون غاضبون من زين .. ” يكسرون الثلج ” لشركة MTN

57 second read
0
0
1




قامت شركة زين للاتصالات بزيادة سعر الاشتراكات في الحزم المختلفة للأنترنت ، مما اثار ضجة واسعة وسخط وسط المشتركين .

هذا ما دفع المشتركين للدخول الى صفحة زين بموقع الفيسبوك ( واهتهامها بالسرقة والنصب علي المشتركين ) ونشر المشتركون الالاف التعليقات الساخطة من الشركة .

وفي ذات السياق انتقل العديد من المشتركين الى الشركات الاخرى ( MTN و SUDANI) ، واختلفت ردود الافعال والتعليقات على صفحات هذه الشركات بين متفائل و ( كسار تلج ) واثارت هذه التعليقات موجة من الضحك والسخرية .

تنقل لكم شبكة سودافاكس جزء منها : حيث قال المشترك : Mahgoub IDriss معلقاً على صفحة MTN بالفيسبوك

ناس ام تي ان حبايبنا والله
نبقي واضحين نحن قبل كده قاطعناكم ومشينا لزوجه جديده
الا اننا اكتشفنا انو المرا الجديده نقناقه اليوم كلو عزيزي وهناي مصلحه يعني
وبعدين بدت تشوف نفسها و عامله فيها احسن شبكه في السودان
ف شنو عايز نصفي القلوب كده و نرجع عائله مع بعضينا
فنبدا صفحه جديده قائمه ع الاحترام المتبادل لا تسرقونا لا نسرقكم

يلا عندي استفسار بسيط كده عايز احول رقمي الزين لاريبا بس عندي ف الزين رصيد
حيجي معاي ولا عائله الزوجه النقناقه حتلحسو.
MTN Sudan
يسعد نهارك Mahgoub
مرحب بيك وحباباك برقمك ، قبل تحويل الشريحة لشركتنا يمكنك إستهلاك الرصيد .

Mahgoub IDriss
يسعد نهارك mtn
تسلم تسلم ان شاء الله نكون ذا منافع متبادلة
و شكرا علي كميه الاحترام و الاحترافيه في التعامل
و ما تشيل هم لانو الموضوع بقي تحت عنوان (علي و علي اعدائي)

وقال : Můjtãbà A M Alhassan
ياناس mtn الحلوين عندي رقم من ناس الحرامية ديلك عايز احولو لي mtn الاجراء الاعملو شنو؟

Mohammed Omer Mohammed
ي ناس ام تي ان حبايبنا ياخ الله يخليكم لينا اها خدمة نت شهر كيف وبكم اتحفونا

ابو عبدالله كلادة قبلى
هههه مااشة معاكم باسطة ياناس MTN شدو حيلكم جايكم جمهور ومشتركي الشركات الاخري بكثرة

عمار محمد يوسف
يا ناس mtn انا الصراحة لي 13 سنة شغال بي زين وما كان الفراق بالمخاطر الا النصب ما حبابو
داير اعرف باقاتكم وخدماكم عشان قررنا الفراق

Waleed Abbas
ﺃﻧﺎ ﻣﺎ ﺟﺎﻳﻴﻚ ﺷﺎﻳﻞ ﺃﻓﺮﺍﺡ ﺗﻤﻼ ﺍﻟﺪﻧﻴﺎ ﺃﺟﻤﻞ ﻣﻨﻴﺔ ﻋﻄﺮ ﺍﻟﺮﻳﺤﺎﻥ ﺷﻮﻕ ﺍﻟﺤﺒﺎﻥ ﻭﺍﺟﻤﻞ ﻏﻴﻨﺔ ﺟﺎﻳﻴﻚ ﻓﺮﺣﺎﻥ ﺍﻟﺨﻄﻮﺓ ﺗﺴﺎﺑﻖ ﻓﻲ ﺍﻟﺨﻄﻮﺓ ﻭﺍﻟﺒﺴﻤﺔ ﺗﻐﺎﺯﻝ ﻓﻲ ﺍﻟﻨﺴﻤﺔ ﻭﺍﻟﻜﻤﻠﺔ ﺗﻨﺎﻏﻢ ﻓﻲ ﺍﻟﻜﻠﻤﺔ ﻭﺍﻟﺪﻧﻴﺎ ﻗﻤﺮ ﻧﻮّﺭ ﺩﻧﻴﺎ الله ما يحرمنا من بعض

Fadl Adam
السلام عليكم….معروف جدا رداءة وتخلف خدمات الانترنت في السودان
بكل صراحة انتم افضل السيئين
(الطشاش في بلد العمي)
في ظل حركة المقاطعةو السخط العام علي منافسيكم لعدم الرضاء بما يقدموه من خدمة انترتنت…
لم لا تجتهدوا كثيرا في تطوير انفسكم
وتلبيه ما افتقدوه عن منافسيكم؟
استغلوا الفرصة عشان الناس ماترجع ليهو بعد فترة المقاطعة…….
رفع الدعم عن الانترنت في السودان







علق بواسطة فيسبوك

تعليقات

اترك تعليقاً

لن يتم نشر عنوان بريدك الإلكتروني.