الرئيسية أخبار الغناء بالأقساط!!

الغناء بالأقساط!!

6 ثواني قراءة
التعليقات على الغناء بالأقساط!! مغلقة
0
0




• في شباب أصحاب قاعدين مع بعض..
• قعاد الأصحاب العادي ده..
• لكن كان فيهم واحد قاعد زعلان شديد..
• زعلان شديد عشان خطيبتو خلتو..
• يعني بالواضح كده إتفارقو..
• واحد من أصحابو بصبر فيهو..
• عارفنو بقول ليهو شنو عشان إتصبر..
• بقول ليهو ما تفكر فيها..
• باكر بتنساها عادي..
• كلامو صاح مش..
• لكن كان رد صاحبنا الزعلان غريب..
• عارفنو قال شنو؟..
• قال ما بقدر ينسى خطيبتو..
• عارفين ليه؟..
• عشان مشتري ليها تلفون بالأقساط..
• أقساط لمدة سنتين كمان..
• كلامو مقنع صاح..
• ينساها كيف وهو بدفع ليها أقساط..
• أقساط تلفون لمدة شهرين..
• كان نفسي أعرف نوع التلفون ده شنو..
• ونفسي برضو أعرف بدفع كم في الشهر..
• معقولة تلفون أقساط سنتين..
• ده تلفون ولاّ عربية..
• جلكسي ولاّ كريس ولاّ هايس؟..
• هايس في عينك..
• لكن برضو التلفون بالأقساط عادي..
• عشان أي حاجة بقت بالأقساط صاح..
• ما فيها مشكلة حاجة عادية..
• بتخفف عن الناس كثير..
• لكن في أقساط كده ما عندها معنى..
• أقساط غريبة كمان..
• يعني مثلاً زول يغني بالأقساط..
• الغناء الواحد ده..
• دي ما حاجة غريبة..
• معقولة بس زول يغني بالأقساط؟..
• أقساط في عينك..
• أنا كنت مفتكر مافي الحاجة دي..
• كنت مستبعد الكلام ده..
• لكن للأسف طلعت عوير..
• والله لقيت روحي مسطح خالص..
• ياخي في فنانين بغنوا بالأقساط..
• إتخيلوا..
• الواحد فيهم شايل (الورقة) وبغني..
• زول بغني بالورق..
• يعني ما حافظ الأغنية..
• زي الما عندو قروش وبشيل بالأقساط..
• وده ما حافظ الأغنية وبغني من الورقة..
• ورقة في عينك..
• قالوا فنانين أغاني وأغاني بعملوا كده..
• قالوا بغنوا من الورقة كمان..
• عشان كده شريف الفحيل لابس نظارة..
• أنا كنت مفتكر إنو نظرو ضعيف..
• لكن إتخيل لي أنها نظارة قراية..
• ما كمان الفحيل فنان مجتهد..
• عمل نظارة عشان يشوف الورق كويس كمان..
• يقرأ من الورق ويغني..
• شفتوا الإجتهاد ده كيف..
• معقولة فنانين يغنوا من (البخرة)..
• بخرة في عينك..
• قلنا ليك بغنوا من الورق..
• نقول ليك ورق تقول بخرة..
• عارفين البخرة صاح..
• بتاعت الطلاب الزمان ديك..
• الواحد بكون ما حافظ وبعمل بخرة للإمتحان..
• يعني طريقة غير شرعية..
• الكنترول لو عرفو ببهدلو شديد..
• لكن كنترول قناة النيل الأزرق حاجة تانية..
• ياخي ده كنترول متعاون خالص..
• متعاون في عينك..
• عارفنو عمل لي فنانين (البخرة) شنو؟..
• أقصد فنانين أعاني وأعاني..
• أعاني وأعاني في عينك..
• البرنامج إسمو أغاني وأغاني ياخ..
• ما مشكلة عادي..
• ما البرنامج ده كلو بعاني..
• المهم خلونا في موضوعنا..
• عارفنهم عملوا لي فنانين الورق شنو؟.
• أها خلينا فنانين البخرة..
• خلاص إرتحتو..
• جابو ليهم (شاشة كبيرة) يشفوا منها..
• شاشة مكتوب فيها أبيات الأغنيات..
• يعني كشفوا ليهم الإمتحان..
• شفتوا الغش ده كيف؟.
• غش في عينك..
• فنان ما حافظ جاي يغني شنو؟..
• والله ما معروف..
• عليكم الله ده ما كلام غريب؟.
• غريب في عينك..
• لكن شريف الفحيل إستعجل..
• إستعجل وإشترى النظارة..
• ما عارف إنو في شاشات كمان..
• نفسي أعرف الفحيل إشترى النظارة بي كم؟.

جريدة السياسي







علق بواسطة فيسبوك

تعليقات

التعليقات مغلقة

إقرأ أيضاً

مقتل وإصابة 8 في حادث سير بطريق (زالنجى – الجنينة)

لقي 4 أشخاص مصرعهم وأصيب مثلهم بجراح خطرة لدى دهس شاحنة، سيارة صالون في الطريق الرابط بين …